Friday, September 3, 2010
ගල් ව්හාරය
පොළොන්නරුව නගරය ගැන සඳහන් කිරීමේදී නිතැනින්ම අපේ සිහියට නැගෙන නමක් වේ නම් ඒ ගල් විහාරයයි. උත්තරාරාමය යනුවෙන්ද හදුන්වනු ලබන මෙය මහා පරාක්‍රමභාහු රජතුමාගේ තවත් සුවිශේශී නිර්මානයකි. මෙහි ඔබට ගලින් නෙලන ලද ප්‍රතිමා හතරක් දක්නට ලැබේ.මෙහි පළමුවෙන්ම දක්නට ලැබෙන්නේ ධ්‍යාන මුද්‍රාවෙන් වැඩ හිඳින බුද්ධ ප්‍රතිමාවහන්සේ නමකි. මෙම ප්‍රතිමාව සඳහා සිංහ හා අශ්ව රූපවලින් අලංකාර කරන ලද ආසනයක්ද දැක ගත හැක. එමෙන්ම පිළිමයේ ශීර්ෂය පිටුපසින් අලංකාර ප්‍රභා මණ්ඩලයක්ද දැක ගත හැක.දෙවනුව දක්නට ලැබෙන්නේ විද්‍යාධාර ලෙනෙහි නෙලා ඇති බුද්ධ ප්‍රතිමාවහන්සේය. මෙහිද දේව රූප, මුණිවර රූප, චාමර සලන්නන්ගේ රූප ආදී සියුම් කැටයම් දැක ගත හැක. මෙමගින් බුදුරජාණන් වහන්සේ තම මාතෘ දිව්‍ය රාජයාට දහම් දෙසීම නිරූපනය වේ. එහෙත් ඇතමුන් පවසන්නේ මෙය දේවාරාධනාව නිරූපනය කරන බවයි. මේ අසලම ඇති සෙල් ලිපියේ සඳහන් වන්නේ පොලොන්නරුව කතිකාවතයි. මෙහි සංඝයා වහන්සේලා උදෙසා පැනවූ නීති සංග්‍රහය දැක ගත හැක.ඊලඟට ඇත්තේ හිටි පිලිමයකි. මෙය උසින් අඩි විසි දෙකක් පමන වේ. මෙය ආනන්ද හිමියන්ගේ පිළිරුවක් බව සැලකිය හැක. ඒ අසලම ඇති දිගින් අඩි හතලිස් පහක් පමණ වන සැතපෙන පිළිමය බුදුරජාණන් වහන්සේගේ පිරිණිවන් මංචකය විදහා පායි. ඒ සඳහා ඇති හොඳම සාක්ෂිය වන්නේ මෙම පිළිම වහන්සේගේ එක් ශ්‍රී පතුලක් තරමක් පසුපසට වන්නට නෙලා තිබීමයි.මෙම පිළිම වහන්සේල අතීත හෙලයන්ගේ දස්කම් මොනවට විදහාලන ජීවමාන සාක්ෂියන් වේ.
Subscribe to:
Post Comments (Atom)
No comments:
Post a Comment